დღეს საფუძველი ჩაეყარა სიმსივნით დაავადებულ ბავშვთა პირველი სარეაბილიტაციო-სასტუმრო ცენტრის მშენებლობას.
საქართველოს მთავრობის განკარგულებით, თბილისში, ბროწეულის ქუჩა #41-ში მცხოვრები 243 დევნილი ოჯახის მიერ შექმნილ ბინათმესაკუთრეთა ამხანაგობას საერთო სარგებლობის ფართები საკუთრებაში უსასყიდლოდ გადაეცა.
დევნილთა საკითხების შემსწავლელმა გაფართოებულმა კომისიამ, რომელიც ქუთაისში 429 დევნილი ოჯახისთვის ბინების გადაცემის საკითხს განიხილავს, მუშაობა დაიწყო.
დევნილთა და განსახლების მინისტრს სოზარ სუბარს ფოთის საპატიო მოქალაქის წოდება მიენიჭა. საპატიო მოქალაქეების დაჯილდოების ცერემონია ფოთის თეატრში, „ფაზისობის“ სახალხო დღესასწაულის ფარგლებში გაიმართა.
მცხეთაში, 120 დევნილი ოჯახის განსახლების მიზნით, კორპუსების მშენებლობა დაიწყო. თანამედროვე სტანდარტების შესაბამისი კორპუსების მშენებლობა 2018 წლის აგვისტოს ბოლოს დასრულდება და ამით მცხეთაში დევნილთა განსახლების პრობლემა გადაიჭრება.
საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტრო თბილისში, მწვავედ ავარიული და სახელმწიფოსათვის სტრატეგიული მნიშვნელობის მქონე ობიექტების დახურვის პროცესს აგრძელებს. სწორედ ასეთ შენობებში მცხოვრები დევნილი ოჯახების განსახლების მიზნით, სამინისტრომ ბინების გარკვეული რაოდენობის შესყიდვის გადაწყვეტილება მიიღო. ამ საკითხთან დაკავშირებით, მინისტრის პირველმა მოადგილემ გრიგოლ გიორგაძემ ბრიფინგი გამართა.
ფოთის მე-4 საჯარო სკოლაში ახალი სპორტული დარბაზი გაიხსნა. დღეისათვის, ფოთის ახალი სპორტული დარბაზის ძალოსნობის სექციაში 30 ახალგაზრდა ვარჯიშობს. ბოლო პერიოდში, მთელი საქართველოს მასშტაბით, ძალოსნობისთვის უკვე 28 სპორტული დარბაზი მოეწყო.
ანაკლიაში საზეიმოდ გაიხსნა „მომავლის ბანაკი 2017“
წყალტუბოში, 560 დევნილი ოჯახის განსახლების მიზნით, 8 ათსართულიანი კორპუსი აშენდება. ამ ეტაპზე, უკვე ორი კორპუსის მშენებლობა მიმდინარეობს, სადაც ბინას 140 დევნილი ოჯახი მიიღებს.
მუსტაფა ემრე ჩაბუქის მიერ თავშესაფრის მოთხოვნის შესახებ მიღებულ გადაწყვეტილებასთან დაკავშირებით, მინისტრის მოადგილემ შოთა რეხვიაშვილმა ბრიფინგი გამართა.
საქართველოს მთავრობის განკარგულებით, 2018 წლის 1 მარტიდან დევნილი ოჯახები, გრძელვადიანი განსახლების მოთხოვნის მიზნით, განაცხადებს საქართველოს ნებისმიერ რეგიონში არსებულ იუსტიციის სახლებსა და საზოგადოებრივ ცენტრებში შეავსებენ.